भरतपुर । भरतपुरस्थित कोरोना विशेष अस्थायी अस्पतालमा काम गर्ने एक स्वास्थ्यकर्मीलाई घरभेटीले कोठा छाड्न उर्दी जारी लगाएका छन् ।
कोरोना विशेष अस्पतालमा काम गरेको भन्ने थाहा पाएपछि घरभेटीले कोठा छाड्न दबाब दिएको गुनासो आएको नेपाल चिकित्सक संघका वरिष्ठ उपाध्यक्ष डा. अनिल विक्रम कार्कीले बताए ।
यस विषयमा चितवनका प्रमुख जिल्ला अधिकारीलार्इ समेत जानकारी गराइएको उनले बताए । यस अस्पतालमा काम गर्नेलाई हेर्ने दृष्टिकोण दुष्भावयुक्त रहेको डाक्टर कार्कीले गुनासो गरे ।
कोरोनाको महामारीको यस विषम परिस्थितिमा स्वास्थ्यकर्मीप्रति हौसला र प्रोत्साहन दिनुपर्नेमा उल्टै खराब मनाशय राखिनु आपत्तिजनक विषय भएको उनको भनाइ छ । चितवन पोष्टमा खबर छ !
