चितवन , २२ बैशाख- जनकपुर, सप्तरी लगायत ठाउँमा बाटोमा पैसा छरेर स्थानीयलाई त्रसित बनाएको घटना नसेलाउँदै चितवनमा पनि त्यस्तै घटना दोहोरिएको छ ! पूूूर्वीचितवनको रत्ननगर नगरपालिका वडा नम्बर २ टाँडी चोक नजिक हाइस्कुल रोडमा वेवारिसे पैसा भेटिएको हो । एक व्यक्तिले उक्त रकम सडकमा फालेर भागेको स्थानियले बताएका छन् । पैसा फालेको व्यक्ति मोटरसाइकलमा भागेको स्थानियले बताए ।
सडकमा पाँच सय , पचाँस ,बिस र दश रुपैयाँको नोट फालिएको छ । प्रहरीले पाँच सयको एउटा , पचाँसको तिनवटा , बिसको एउटा र दश रुपैँयाको एउटा नोट बरामद गरेको छ । अज्ञात व्यक्तीले पैसा फालेर भागेपछि स्थानिय त्रसित भएका छन् । कोरोना संक्रमण बढिरहेको बेला अज्ञात व्यक्तीले पैसा फालेर भागेपछि कोरोना संक्रमण फैलाउन यस्तो गरेको हुनसक्ने स्थानियले आशंका गरेका छन् ।
कुवेतमा कोरोना संक्रमित नेपालीको संख्या ८४ पुग्यो
२२ वैशाख, काठमाडौं । कुवेतमा थप ९ जनामा कोरोना संक्रमण पुष्टि भएको छ । यससँगै कुवेतमा कोरोना संक्रमण पुष्टि भएका नेपालीहरुको संख्या ८४ पुगेको छ । दूतावासका अनुसार पछिल्लो तथ्यांकलाई हेर्दा कुवेतमा कोरोना संक्रमण पुष्टि हुनेहरुको संख्या निकै वृद्धि भएको छ । ३ मे २०२० सम्ममा कुवेतमा ८४ जना नेपालीसहित ४ हजार ९ सय ८३ जनामा कोरोना पुष्टि भएको दूतावासले जारी गरेको सूचनामा उल्लेख छ ।
कोरोना फैलिन नदिन र यसको प्रभावबाट मुक्त रहन अपनाउनुपर्ने सतर्कता अपनाउन तथा कोरोनाको शंका लागेमा तत्काल स्वास्थ्य परीक्षण गराउन पनि दूतावासले भनेको छ । कोरोना संक्रमणका कारण काममा जान नपाउँदा रोजगारदाताबाट पाउनुपर्ने तलब, सुविधा नपाएको तथा खानेकुराको समेत अभाव भएर कठिनाइ उत्पन्न भएमा दूतावासमा, कम्पनीमा वा रोजगारदाता व्यवस्थापन पक्षसँग सम्पर्क गर्न दूतावासले भनेको छ ।
हज यात्रीबाट दोब्बर शुल्क लिएकोमा मुस्लिम इत्तेहाद संगठनको आपत्ति, अध्यक्ष अन्सारीलाई ज्ञापन
