काठमाडौं– नेपाल मुस्तिम इत्तेहाद संगठनले साउदी अरब मक्का मदिना जाने हज यात्रीबाट लिने शुल्क घटाउन माग गरेको छ ।
मुस्लिम आयोगका अध्यक्ष समिम मियाँ अन्सारीलाई सोमबार ज्ञापन पत्र बुझाउँदै संगठनले हज जाने इच्छुक हाजीहरुले बुझाउनुपर्ने शुल्क गत वर्षभन्दा दोब्बर बनाएकोमा आपत्ति जनाएको हो । विगत वर्षहरुमा २ लाख ३३ हजार १ सय रुपैयाँ रहेकोमा यस वर्ष ४ लाख ६३ हजार ३ सय ९२ रुपैयाँ तोकिएको छ ।
हज यात्रीहरुलाई आर्थिक अनुदान उपलब्ध गराउन, शुल्क वृद्धिबारे छानबिन गर्न, पैसा जम्मा गर्ने अवधि बढाउन पनि संगठनले माग गरेको छ ।
https://ujyaalonepalnews.com/archives/21270
