साउदी लगायत खा’डी, मलेसिया र दक्षिण कोरियाबाट फर्कन खोज्ने १ लाख २६ हजार, फर्किए ४३ हजार
काठमाण्डौ – खा’डीका ६ देश, मलेसिया र दक्षिण कोरियाबाट स्वदेश फर्कन झण्डै १ लाख २६ हजार जनाले स्वदेश फर्किन निवे’दन दिएका छन् । कोरोना म’हामा’री सुरु भएपछि अहिलेसम्म साउदी, कतार, यूएई, कुवेत, ओमान, बहराइन, मलेसिया र दक्षिण कोरियाबाट नेपाल फर्कनका लागि १ लाख २५ हजार ९ सय ६० जनाले नि’वेदन दिएका श्र’म, रोजगार तथा सामाजिक सु’रक्षा मन्त्रालयले जनाएको छ ।
जसमध्ये भदौ २१ गतेसम्ममा ४३ हजार ८ सय ८७ जना स्वदेश फर्किएका छन् । सरकारले भदौ १६ गतेदेखि कोरोनाको पीसीआर परीक्षण सहज भएका देशबाट नियमित उडान सञ्चालन गरेको छ भने साउदी, कुवेत, बहराइन, कतार लगायतका देशबाट भने चार्टर्ड उडानमार्फत नै नेपालीको स्वदेश फिर्ती भइरहेको छ ।
कतारबाट ७ हजार ३४९, ओमानबाट ८११ जना, कुवेतबाट ६ हजार ९ सय ६ जना, कोरियाबाट ११ सय ६५ जना,मलेसियाबाट ९ हजार १८३ जना स्वदेश फर्किएका छन् । यस्तै यूएईबाट ६ हजार ३ सय ७६ जना, साउदी अरेबियाबाट ८ हजार ६ सय ४३ जना र बहराइनबाट ९८० जना स्वदेश फर्किएका छन् । उज्यालो अनलाईन बाट
बिचौलिया हाबी हुँदा बजारमा हरियो तरकारीको मूल्यमा अचाक्ली वृद्धि
