कयर खोलामा अबैध रुपमा उत्खनन तथा चोरी निकासी गर्ने २१ सवारी साधन प्रहरीको नियन्त्रणमा
चितवन : चितवनमा अबैध रुपमा नदिजन्य पदार्थ उत्खनन गर्ने २१ सवारी साधन प्रहरीले नियन्त्रण लिएको छ । शुक्रवार दिउसो चितवनको कालिका नगरपालिका वडा नं ८ र रत्ननगर नगरपालिका वडा नं १४ र १६ स्थित कयर खोलामा अबैध रुपमा उत्खनन तथा चोरी निकासी गरिरहेको अबस्थामा ईलाका प्रहरी कार्यालय टाँडीबाट खटिएको टोलिले नियन्त्रण लिएको हो ।
प्रहरीले जे.सि.बि. १ थान, टिपर २ थान, ट्रयाक्टर १८ थान गरी जम्मा २१ वटा सबारी साधनलाई नियन्त्रणमा लिईएको जिल्ला प्रहरी कार्यालय चितवनले जानकारी दिएको छ । पछिल्लो समय नदीजन्य पदार्थ उत्खननका गतिविधि बढ्दै गएका छन्। निषेधाज्ञाको समयमा नियमविपरीत उत्खनन गरेको पाइएकोले ती साधन नियन्त्रणमा लिइएको चितवन प्रहरीले जनाएको छ।
https://ujyaalonepalnews.com/archives/14788
