साउदीको ताबुक क्षेत्रमा राहदानी नबिकरण गर्न अनलाईन फारम भर्ने बारे दुताबासको सुचना
उज्यालो नेपाल, असार ३१ – साउदीको रियादमा रहेको नेपाली दुताबास र जेद्दामा रहेको नेपाली दुताबासले साउदीमा रोजगारी तथा व्यापार व्यवसाय गरेर बस्ने नेपालीहरुको राहदानी नविकरण गर्नको लागी साउदीको विभिन्न स्थानमा घुम्ती शिविर संचालन गर्दै आईरहेका छन् ! कोरोना महामारीको कारण त्यँहा कार्यरत नेपालीहरुलाई दुताबाससम्म पुगेर आवेदन दिन समस्या भएपछी दुतावासले आफ्ना नागरिकहरुलाई पायक पर्ने स्थानमा नै घुम्ती अफिस संचालन गरि आवेदन दिन मिल्ने बन्दोबस्त मिलाएको थियो !
तर कोरोना माहामारीको दोश्रो भेरियनट फैलन थाले संगै यो कार्यपनि बन्द भएओ थियो ! तर साउदीको जेद्दामा रहेको महावाणिज्य दुताबासले यो कार्यको फेरी थालनी गर्ने भएको छ ! साउदीको ताबुक नजिकका अन्य शहरहरुमा रहने नेपाली श्रमिकहरुलाई पायक पर्ने गरि घुम्ती अफिस संचालन गरि दुताबासले राहदानी नविकरणको लागी आवेदन संकलन गर्ने भएको हो ! आउँदो २० अगस्ट २०२१ मा त्यस्तो अफिस संचालन गर्ने दुताबासले प्रकाशित गरेको सुचनामा जनाईएको छ ! दुताबासको सुचना यस्तो छ
ताबुक क्षेत्रका लागि राहदानी नवीकरण सम्बन्धी नेपाली कन्सुलेट जनरल, जेद्दाको सूचना-
यस कन्सुलेट जनरलको कार्यक्षेत्रभित्र रहेको ताबुक क्षेत्रमा रहनुभएका नेपाली नागरिकहरुलाई राहदानी नवीकरण सहजीकरणका लागि नियोगको टोली यसै सूचनामा प्रकाशित मिति (२० अगस्ट २०२१)मा जाने कार्यक्रम तय गरिएको छ। राहदानी नवीकरणका लागि ताबुक नजिकका अन्य शहरहरुमा रहनुहुने नेपाली श्रमिकहरुलाई सहजताका आधारमा नवीकरणका लागि उपस्थित हुन सकिने जानकारी गराईन्छ। पासपोर्ट नवीकरणका लागि आउँदा अनिवार्यरुपमा ल्याउनुपर्ने कागजातहरु र लाग्ने दस्तुर देहाय बमोजिम रहेको छ।
- सक्कल पासपोर्ट र सोको प्रतिलिपी
- नागरिकताको प्रतिलिपी
- राहदानी नवीकरण दस्तुर: साउदी रियाल २०० र हराएको/बिग्रिएको/ च्यातिएकाको लागि साउदी रियाल ४००
कोभिड-१९ संक्रमणको परिस्थितिमा आवेदन संकलनका क्रममा सम्पूर्ण स्वास्थ्य सूरक्षा मापदण्डको पालना गर्नुहुन सबैमा अनुरोध गरिन्छ। साथै, आवेदन संकलनका लागि नामावली समावेश गर्न तथा थप जानकारीका लागि देहाय बमोजिमका नम्बरमा सम्पर्क गर्न सकिने व्यहोरा समेत अनुरोध गरिन्छ।
https://www.ujyaalonepalnews.com/archives/15084