निराजन घिमिरे, चैत्र ४ – रत्ननगर नगरपालिका वडा नं. १६ का वडाध्यक्ष हेमराज थापाले खानेपानी संस्थालाई जग्गादान गरेका छन् । आफ्नी स्वर्गिय धर्मपत्नी मनकुमारी थापा (रमा) को ४५ औँ दिनको पुण्यतिथिमा थापाले पिठुवा खानेपानी तथा सरसफाई उपभोक्ता संस्थालाई तिन धुर जग्गादान गरेका हुन् ।
वडा नं. १६ हात्तिगाड़ेमा रहेको पिठुवा खानेपानीको ओभरहेड ट्यांकी नजिकै रहेको उक्त जग्गा बोरिंग गाड्न प्रयोग गरिने पिठुवा खानेपानीका अध्यक्ष आशिक तामांगले जानकारी दिए । जग्गा हस्तानातरण कार्यक्रममा संक्षिप्त मन्तव्य राख्दै तामांगले सामाजिक काममा एक कदम अगाडी बढेर खानेपानी संस्थालाई जग्गादान गर्ने वडाध्यक्ष र थापा परिवारको मुक्तकण्ठले प्रसंसा गरे ।
नि:शुल्क प्राप्त भएको जग्गामा बोरिंग बनेपछि एउटा मोटर बिग्रंदा धेरै समय पानी बन्द गर्नुपर्ने समस्या समाधान हुने अध्यक्ष तामाङ्गको भनाई छ ।
https://ujyaalonepalnews.com/archives/17892
