उज्यालो नेपाल, वैशाख ११- रत्ननगरमा सत्ता गठबन्धन दलहरु बीच भएको भागबण्डा प्रति माओवादी केन्द्रले असहमति जनाएको छ । भागबण्डा प्रति गम्भिर असन्तुष्टी जनाउँदै माओवादी केन्द्र रत्ननगर नगर कमिटीले आज साँझ एक विज्ञप्ति जारी गरेर एक्लै चुनाव लड्ने बताएको छ ।
नगर प्रमुख उपप्रमुखको भागबन्डामा आफ्नो पार्टीको प्रतिनिधित्व नरहेको र वडाध्यक्षको बाँडफाँडमा पनि पार्टीको सदस्य संख्या, भौगोलिक अवस्था र जनमतको आधार विपरित भएको भन्दै रत्ननगरको १६ वटै वडामा मित्रवत् प्रतिस्पर्धा गर्ने निर्णय गरिएको माओवादी केन्द्रले जानकारी दिएको छ ।
यस अघि रत्ननगरमा मेयर काँग्रेस, उपमेयर समाजवादी, नौ ओटा वडा काँग्रेस, चार ओटा वडा माओवादी र तीन ओटा वडा समाजवादीलाई हुने गरी सहमती गरिएको थियो ।
समग्र चितवनको चुनाबी गतिबिधि थाहा पाउन ” चितवनको चुनाबी चहलपहल” ग्रुपमा ज्वाईन हुनुहोला ! ज्वाईन हुन यँहा क्लिक गर्नुहोला ।
https://www.ujyaalonepalnews.com/archives/19264
