काठमाडौं- पछिल्लो २४ घण्टामा १० जनामा कोरोना सङ्क्रमण पुष्टि भएको छ ।
चार हजार ६४ जनाको पीसीआर परीक्षण गर्दा आठ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ । त्यसैगरी, एक हजार १६२ जनाको एन्टिजेन परीक्षण गर्दा दुई जनामा सङ्क्रमण पुष्टि भएको छ । मन्त्रालयका अनुसार २४ घण्टामा १८ जना सङ्क्रमणमुक्त भएका छन् ।
अहिले देशभर सक्रिय सङ्क्रमितको सङ्ख्या २६१ छ । त्यस्तै, पछिल्लो २४ घण्टामा ८६ हजार १३६ जनाले कोरोनाविरुद्धको खोप लगाएका छन् ।
https://www.ujyaalonepalnews.com/archives/19385
