रत्ननगर । चितवनको रत्ननगर नगरपालिकामा नेकपा एकीकृत समाजबादीले दुई वटा वडामा उम्मेदवारी दिन सकेन । अन्य १४ वटा वडामा वडाध्यक्ष सहित वडासदस्यहरुमा उम्मेदवारी दिएको सो पार्टीले वडा नं ४ र वडा नं ५ मा उम्मेदवार नपाएपछि उम्मेदवारी दिन नसकेको हो ।
वडा नं ४ मा ओमलाल सापकोटालाई टिकट दिइएको भएपनि उनी उम्मेदवारी दिन नगएको जनाइएको छ । वडा नं ५ मा झिनो संख्यामा रहेको सो पार्टीले वडाध्यक्ष र वडासदस्यमा उम्मेदवारी दिने मान्छे नपाएको बुझिएको छ ।
गठबन्धनमा वडा बाँडफाँडमा सहमति हुन नसकेपछि सहयात्री दलहरुले छुट्टा छुट्टै उम्मेदवारी दर्ता गराएका थिए । समाजबादीले उपमेयर सहित १४ वटा वडामा उम्मेदवारी दिएको छ ।
https://ujyaalonepalnews.com/archives/19388
