सल्यान । सल्यानबाट चालु आर्थिक वर्ष २०७८/०७९ को दुई चौमासिकमा १२ करोडभन्दा बढीको कृषिजन्य वस्तुको निकासी भएको छ ।
चालु आर्थिक वर्षको पहिलो र दोस्रो चौमासिक ८ महिनाबाट बिचमा १२ करोड ७ लाख २६ हजार ५५ रुपैयाँको कृषिजन्य बस्तु जिल्ला बाहिर निकासी भएको कृषि विकास कार्यालय सल्यानले जनाएको छ ।
कार्यालयका अनुसार जिल्लाबाट टमाटर ११ लाख १० हजार ७ सय ३१ किलो, बन्दा ८ लाख हजार १२ हजार ७ सय २७, काउली ४ लाख ४२ हजार, २ सय ५०, सिमी १ लाख २६ हजार ४ सय ४२, भेडे खुर्सानी १ लाख १३ हजार ६ सय २६, काँक्रो १ लाख ६४ हजार ७ सय २३, हरियो खुर्सानी १ लाख ३ हजार ८ सय ६१, मुला १२ हजार ७१, भ्यान्टा २ हजार ५ सय ४९ अकबरे खुर्सानी ७ हजार १ सय ४५ किलो ताजा तरकारी निकासी भएको कृषि विकास कार्यालय सल्यानका सूचना अधिकारी रमेश कुमार बस्नेतले जानकारी दिनुभयो ।
यस्तै, चुच्चे करेला २९ हजार २ सय ६६, साग १ लाख २५ हजार, राजमा सिमी ४ हजार ८ सय ३३, आलु ३ हजार ९ सय ५०, तिते करेला १ हजार ८३, लोकल सिमी १ हजार , फर्सी ११ सय, खुर्सानी मसिनो २ हजार ८ सय ३०, इस्कुस १२ सय किलो गरी २९ लाख ८२ हजार १ सय ११ किलो कृषिजन्य वस्तु निकासी भएको बस्नेतले बताउनुभयो ।
https://www.ujyaalonepalnews.com/archives/19508