राजस्व चुहावट गरेको आरोपमा दुई जनाविरुद्ध मुद्दा दायर

काठमाडौँ । राजस्व अनुसन्धान विभागले राजस्व चुहावट गरेको आरोपमा दुई जना विरुद्ध मुद्दा दायर गरेको छ ।

विभागले सोमबार उच्च अदालत पाटनमा दिपक कुमार देउजा र अचला थापा देउजाविरुद्ध मुद्दा दायर गरेको हो ।

विभागका अनुसार मूल्य अभिवृद्धि करतर्फ तीन करोड ४० लाख १८ हजार, आयकरतर्फ ६ करोड २७ लाख १४ हजार ५६० रुपैयाँ गरी जम्मा उनीहरूले ९ करोड ६७ लाख ३२ हजार ५६० रुपैयाँ राजस्व चुहावट गरेका हुन् ।

उनीहरू विरुद्ध १९ करोड ३४ लाख ६५ हजार १२० रुपैयाँ सजायको माग दाबीसहित विभागले मुद्दा दायर गरेको हो ।