भक्तपुरमा एक बालिकाको अपरहण भएको छ। अपहरित बालिकालाई तत्कालै उद्धार गरिएकाे छ भने अपहरणकारी पक्राउ परेका छन्।
सूर्यविनायकस्थित ग्लोरी बोर्डिङ स्कुलको युकेजीमा अध्ययन गर्ने ६ वर्षकी बालिका अपहरणमा परेकी हुन्। अपहरणकारी सर्लाहीका आशिष थापालाई प्रहरीले पक्राउ गरेको छ।
प्रहरीका अनुसार बालिकालाई घ्याम्पेडाँडामा लगेर पछाडी हात बाँधेर राखिएको थियो। तर बालिका रोइकराइ गरेपछि घुम्न आउने मानिसले रोएको आवाज सुन्ने डरले अपहरणकारी भागेका थिए। सुर्यविनायक गणेश मन्दिर घुम्न गएका मानिसले जंगलमा रोएको देखेपछि बालिकालाई सोधपुछ गर्दा बालिकाले जानकारी गराएकी थिइन्। उनीहरुकै सक्रियतामा बालिकाकाे उद्धार भएकाे हाे।
अपहरणकारीले बालिकाको अपहरण गरेपछि परिवारसँग १६ लाख रुपैयाँ फिराैती माग गरेका थिए। सोही आधारमा पछ्याउँदै जाँदा अपहरणकारी पक्राउ परेकाे प्रहरी परिसरका डीएसपी दीपक गिरिले नेपालखबरलाई जानकारी दिए।
अपहरणकारीमाथि अनुसन्धान भइरहेको प्रहरीले जनाएको छ।
