काठमाडौं, १९ माघ । नेपाली काँग्रेसका सभापति शेरबहादुर देउवाले सरकारले स्वतन्त्रतामा हस्तक्षेप गरेको बताएकाछन् ।
उनले दिगो विकासका लागि गर्नुपर्ने काममा भने सरकारले हस्तक्षेप गर्न नसकेको बताए ।
सेन्टर फर डेमोक्र्याटिक इञ्जिनीयर्स नेपाल (सिडेन)ले आयोजना गरेको ‘दिगो पूर्वाधार विकास राजनीति, अर्थतन्त्र र वातावरण’ विषयक दुईदिने सम्मेलनको आइतबार उद्घाटन गर्दै उनले सुरक्षित सडक निर्माणका लागि भने सरकारले हस्तक्षेप गर्न नसकेको बताएका हुन् ।
“सकारात्मक प्रभाव पार्ने विषयमा हस्तक्षेप नगरी नागरिकका स्वतन्त्रता खोस्न मात्र हस्तक्षेप हुन थालेको छ, पाखा पहाड जताततै प्राविधिक अध्ययनबिना डोजर लगाएर सडक बनाउँदा दुर्घटना बढेको छ”, प्रमुख प्रतिपक्षी दलको नेतासमेत रहेका सभापति देउवाले भने ।
इञ्जिनीयर राष्ट्रनिर्माता भएकाले सडक, पुलजस्ता पूर्वाधार निर्माण गर्दा सुरक्षित तरिकाले बनाउन लाग्नुपर्ने सुझाव उनले दिए ।
कर्णाली राजमार्गमा बढी दुर्घटना हुने गरेकाले सुरक्षित बनाउन ध्यान दिनुपर्ने, काठमाडौँका सडकमा खन्दै पाइप बिच्छ्याउँदै कहिलेसम्म गर्ने भन्ने निश्चित गर्न पनि सभापति देउवाले माग गरे ।
The post स्वतन्त्रतामाथि हस्तक्षेप हुन थाल्यो : सभापति देउवा appeared first on Koshi Online.
रत्ननगरका सुकुमबासीलाई लालपूर्जा: नगरपालिका र आयोगबीच सम्झौता सम्पन्न
