मकवानपुर । मकवानपुरको थाहा नगरपालिकाले आगामी आर्थिक वर्ष २०७९÷८० को नीति, कार्यक्रम तथा बजेट सार्वजनिक गरेको छ ।
आज आयोजित १९औँ नगरसभामा थाहा नगरपालिकाका उपमेयर भरत गोपालीले आगामी आर्थिक वर्षका लागि कृषि र पर्यटन क्षेत्रलाई प्राथमिकता दिँदै १ अर्ब ८ करोड ८४ लाख ७ हजार बराबरको बजेट प्रस्तुत गर्नुभएको हो ।
उपमेयर गोपालीले आर्थिक वर्ष २०७९/०८० का लागि आन्तरिक स्रोत १९ करोड ७९ लाख ५ हजार, राजश्व बाँडफाँड १९ करोड ६८ लाख ८० हजार, सङ्घीय सरकारबाट प्राप्त १७ करोड १६ लाख, प्रदेश सरकारबाट प्राप्त ५ करोड ५ लाख ८२ हजार, सशर्त अनुदान ३२ करोड १४ लाख ४० हजार र सामाजिक सुरक्षा १५ करोडको बजेट बाँडफाँडसहित बजेट पेश गर्नुभएको थियो ।
पेश गरेको बजेट मध्ये चालु खर्चतर्फ ९ करोड ९७ लाख ५४ हजार, पुँजीगततर्फ ५१ करोड ७२ लाख १३ हजार, सशर्त तर्फ ३२ करोड १४ लाख ४० हजार, सामाजिक सुरक्षा तर्फ १५ करोड खर्च हुने अनुमान रहेको छ ।
उपमेयर गोपालीले पेश गर्नुभएको उक्त नीति, कार्यक्रम तथा बजेट आजकै नगर सभाले सामान्य छलफल गरेर पारित समेत गरेको थाहा नगरपालिकाका सूचना अधिकारी सुरजकुमार भुजेलले जानकारी दिनुभयो ।
हेर्नुहोस् पूर्णपाठ
https://ujyaalonepalnews.com/archives/21997
