सप्तरी । विपन्न नागरिकको स्वास्थ्य सेवामा सरल पहुँच स्थापित गर्नका लागि तिलाठी कोइलाडी गाउँपालिकाले विपन्न नागरिक उपचार कोष स्थापना गर्ने भएको छ ।
तिलाठी कोइलाडी गाउँपालिकाले आगामी आर्थिक बर्ष २०७९/०८० को बजेट, नीति तथा कार्यक्रममा सो कुरालाई समावेश गरेको हो । गाउँपालिकाको छैटौँ गाउँ सभाको उद्घाटन शुक्रवार सम्पन्न भएको छ ।
तिलाठी कोइलाडी गाउँपालिकाको आव ०७९/०८० को कुल बजेट ४४ करोड ८२ लाख २० हजार ४०० रुपैयाँ रहेको छ । कुल बजेटको चालुतर्फ २५ करोड ८५ लाख ११ हजार ६ सय ५० रुपैयाँ र पुँजीगततर्फ १८ करोड ९७ लाख ८ हजार ७ सय ५० रुपैयाँ रहेको छ ।
तिलाठी कोइलाडी गाउँपालिकाको कुल आन्तरिक आम्दानी ६० लाख रुपैयाँ प्रस्ताव गरिएको गाउँपालिकाका अध्यक्ष अरुण कुमार मण्डलले बताउनुभयो ।
https://ujyaalonepalnews.com/archives/22021
