सुनसरी । सुनसरीको दुहबी नगरपालिकाले कृषकहरूलाई आत्मनिर्भर बन्न नगरका पशुपालन समूहलाई बाख्रा वितरण गरेको छ ।
दुहबी नगर क्षेत्रका पाँच वटा बाख्रापालन समूहलाई आत्मनिर्भर बन्न बाख्रा वितरण गरिएको दुहबी नगरप्रमुख वेदनारायण गच्छदारले बताए ।
दुहबी नगरका वडा नं. १२ का साल्पा पशुपालन समूह, वडा नं. २ का तुताहा टोल बाख्रापालन समूह, दुहबी वडा नं. ९ को थानटोल महिला बाख्रापालन समूह, दुहबी वडा नं. ७ को भलुवा बाख्रापालन समूह, दुहबी वडा नं. ११ को बरगाछी पशुपालन समूहलाई दश वटाका दरले बाख्रा वितरण गरिएको पशु शाखा प्रमुख शिवहरि अधिकारीले जानकारी दिनुभयो ।
दुहबी नगरका ५ वटा वडाका बाख्रापालन समूहलाई आत्मनिर्भर बनाई उनीहरूको जीवनस्तर माथि उकास्न भन्दै कृषिमा लागेकालाई बाख्रा उपहार दिइएको नगर प्रमुख गच्छदारले बताए ।
समाजमा आर्थिक क्रान्ति ल्याउन र बाख्रा पालनबाट केही आयआर्जन समेत हुने र कार्यमा व्यस्त रहने भएकाले बाख्रा वितरण गरिएको दुहबी नगर उपप्रमुख मेनुका पोखरेल (खतिवडा) ले जानकारी दिनुभयो ।
https://ujyaalonepalnews.com/archives/22093
