काठमाडौं । थाइल्याण्डमा नेपाल भ्रमण वर्ष २०२० का लागि प्रबर्धनात्मक भिडियो प्रदर्शन गरिएको छ । ७ जनावरीबाट सुरु गरिएको प्रदर्शन दुई महिनासम्म चल्ने छ ।
बैंककस्थित नेपाली दूतावासले त्यहाँको प्रतिष्ठित कम्पनी सेन्ट्रल ग्रूपको एक सदस्य प्रोपटी डेभलपमेन्ट इन्भेष्टमेन्ट (सीपीएन)को सहयोगमा भिडियो प्रदर्शन गरिएको हो ।
दूतावासका अनुसार बैंककको चर्चित मल सेन्ट्रल वर्ल्डको बैंकक लगायत ७ वटा शाखाका १५ स्कृनमा भिडियो देखाइएको छ ।
बैंककस्थिति मलभित्र ४ वटा स्कृनमा र बाहिरको एउटा ठूलो स्कृनमा भिडिया देखाइएको छ भने यसै ग्रूपअन्तर्गत फुकेट, पताया, च्याङ्गमाई र च्याङ्गराई शहरमा रहेका मलहरुमा पनि भिडियो प्रदर्शन गरिएको दूतावासले जनाएको छ ।
मलहरुमा दैनिक हजारौं मानिसहरुको आवतजावत् हुने गर्छ । यो भिडियो प्रदर्शनीबाट थाइ जनतामाझ वनेपाल भ्रमण वर्ष २०२० को प्रचारप्रसार हुनुका साथै सम्भावित थाइ पर्यटकलाई नेपाल भ्रमणका लागि आकर्षित गर्ने दूतावासको विश्वास छ ।
१ अर्बको कारोबार गर्दै विराट एक्स्पाे २०७६ सम्पन्न, ३ लाख बढीले गरे अवलोकन
