संखुवासभा । वर्तमान सरकारका मुख्यमन्त्री राजेन्द्र राईले सहजकर्ताको भूमिका पुरा नगर्दा प्रदेश नम्बर १ को नामाकरण हुन नसकेको पुर्व मुख्यमन्त्री तथा नेकपा एमालेका स्थाई समिती सदस्य शेरधन राईले बताएका छन् । सोमबार संखुवासभाको सदरमुकाम खाँदबारीमा पे्रस चौतारी नेपालले आयोजना गरेको पत्रकार सम्मेलन कार्यक्रममा पूर्व मुख्यमन्त्री राईले अहिलेको सरकारको रवैयाका कारण नामाकरण हुन नसकेको आरोप लगाए ।
मुख्यमन्त्री आफैले जनता भिडाउन खोजेको स्थाई समिती सदस्य राईले बताए । प्रदेश सरकारले सहजिकरण गरे नेकपा एमाले छलफलका लागि तयार रहेको उनले बताए । नामाकरणका लागि एमाले एक ढिंका भएको समेत राईले दावी गरे । प्रदेशको नामाकरणका लागि नेपाली काँग्रेसले समेत खुट्टा कमाएको राईले बताए । नेकपा एमाले सहमतिका लागि कोशी,सगरमाथा,विजयपुर,सप्तकोशी,किरात लगायतका नाममा छलफल गर्न तयार भएको उनको भनाइ छ ।
गठबन्धन सँग एमाले एक्लै चुनाव लड्छ
आगामी चुनावमा गठबन्धन सँग एक्लै चुनाव लड्ने एमालेका स्थाई समिती सदस्य राईले बताए । गठबन्धन सँग नेकपा एमाले एक्लै चुनाव लड्न सक्षम भएको उनको दावी छ । गठबन्धनका दलहरु सँग एमाले एक्लै लड्न प्रतिस्पर्दा गर्न सक्ने राईले बताए । उनले भने एमाले एक्लै चुनाव लड्न,जित्न र नेतृत्व गर्न पनि सक्षम भएको बताए । जिल्ला स्तरित कार्यकर्ता प्रशिक्षणका लागि संखुवासभा आइपुगेका राईले नेपालमा टु पार्टी सिस्टम शासन प्रणाली आवश्यकता भएको बताए । अव दुई दलीय प्रणाली अहिलेको आवश्यकता भएको स्थाई समिती सदस्य राईले बताए । नेपालमा जति धेरै पार्टी त्यति धेरै अस्थिरता उत्पन्न भएको राईले बताए । नेपाली राजनीतिलाई, लोकतान्त्रिक प्रणाली टु पार्टी सिस्टमतर्फ लैजान जरुरी भएको बताए ।
https://ujyaalonepalnews.com/archives/23676
