काठमाडाैँ- बागमती प्रदेश सरकारमा रहेका एमालेका ४ मन्त्रीले शुक्रबार राजीनामा दिने भएका छन्।
आज दिउँसाे १ बजे बस्ने प्रदेशसभा बैठकलाई सम्बोधन गर्दै सरकारलाई दिएको समर्थन फिर्तासहित उनीहरूले राजीनामा दिन लागेका हुन्।
बैठकमा मुख्यमन्त्री शालिकराम जम्मकट्टेलले विश्वास मत लिएसँगै एमाले सरकारबाट बाहिरिने तयारीमा रहेको हो।
आज एमालेका सांसद र मन्त्रीहरूले आफ्ना धारणा प्रस्तुत गर्दै सरकारबाट बाहिरिने एक नेताले जानकारी दिए।
आजकाे बैठकमा एमालेका सबै सांसदहरू उपस्थित नहुने ती नेताले बताए।
बागमती प्रदेश सरकारमा एमालेबाट जगन्नाथ थपलिया, एकालाल श्रेष्ठ, रामेश्वर श्रेष्ठ र केशवप्रसाद पोखरेल मन्त्री रहेका छन्।
https://ujyaalonepalnews.com/archives/26982
