अदालतले तीन वर्षको जेल सजाय सुनाएपछि रुसमा एक पूर्व जेल कर्मचारीले अदालतमै आत्महत्या गरेका छन्।
भिक्टर सिरिदोव नामक ती व्यक्तिले आफैँलाई गोली हानेको बताइएको छ। उनी कुनैबेला संघीय जेल सेवाको यातायात विभाग प्रमुख थिए।
उनीविरुद्ध जबर्जस्ती असुलीको मुद्दा लागेको थियो। मस्कोस्थित चेर्तानोव्स्की अदालतमा न्यायाधीशले उनलाई पक्रिन आदेश दिएलगत्तै सिरिदोवले आफ्नै टाउकोमा गोली हानेका थिए।
पेस्तोल उनी आफैँले ल्याएको बताइएको छ। घटनापछि अदालतको सुरक्षाव्यवस्थाबारे अनुसन्धान सुरु भएको छ।
उनी क्यान्सरका रोगी भएको बताइएको छ। एजेन्सी
