यतिबेला काठमाडौंमा शहिद स्मारक ए डिभिजन लिग फुटबल चलिरहेको छ। सातदोबाटोस्थित एन्फा कम्प्लेक्स र त्रिपुरेश्वरस्थित दशरथ रंगशालामा ए डिभिजनका १४ क्लबहरु देशको प्रतिष्ठित उपाधिका लागि भिडिरहेका छन्।
फुटबल प्रेमी दर्शकहरु पनि आ-आफ्ना क्लबको समर्थनमा दैनिक रंगशाला पुग्छन्। रंगशालाभित्र फुटबल भइरहँदा बाटोमा हिड्ने बटुवाहरु पनि पर्खाल तथा रुखबाट केहीबेर फुटबलको मज्जा लिइरहेका भेटिन्छन्।
