अर्थमन्त्रीमा खतिवडा पुनः नियुक्त, आजै सपथ

काठमाडौं, २१ फागुन । अर्थमन्त्रीमा डा युवराज खतिवडा पुनः नियुक्त भएका छन् ।

राष्ट्रपति विद्यादेवी भण्डारीले आजै उनलाई अर्थमन्त्रीमा नियुक्त गरेकी हुन् ।

राष्ट्रपति कार्यालयका प्रवक्ता हरिप्रसाद दाहालका अनुसार राष्ट्रपति भण्डारीले नेपालको संविधानको धारा ७८ को उपधारा (१) बमोजिम प्रधानमन्त्री केपी शर्मा ओलीको सिफारिसमा डा खतिवडालाई नियुक्त गरेकी हुन् ।

राष्ट्रियसभा सदस्यको पदावधि सकिएपछि मङ्गलबार मात्र उनले अर्थमन्त्रीको पदबाट राजीनामा दिएका थिए ।

राष्ट्रपति भण्डारीले उनलाई सञ्चार तथा सूचना प्रविधि मन्त्रालयको कार्यभारसमेत तोकेकी छन् ।

नवनियुक्त अर्थमन्त्री खतिवडालाई आजै राष्ट्रपति कार्यालय शीतलनिवासमा पद तथा गोपनीयताको शपथग्रहण गराउने कार्यक्रम छ ।

The post अर्थमन्त्रीमा खतिवडा पुनः नियुक्त, आजै सपथ appeared first on Koshi Online.