रत्ननगर, चितवन — रत्ननगर जुनियर जेसीजले आफ्नो २० औं स्थापना दिवस मनाएको छ। सो अवसरमा जेसिसले झुवानीस्थित दृष्टिविहीन स्रोत कक्षाका विद्यार्थीहरूलाई भोजन गराएर मनाएको हो।
संस्थाका अध्यक्ष विमर्श अधिकारीको अध्यक्षतामा सम्पन्न कार्यक्रममा दृष्टिविहीन बालबालिकासँग समय बिताउँदै संस्थाले आफ्नो वार्षिकोत्सवलाई उदाहरणीय रूपमा समाजसेवामा समर्पित गरेको संस्थाका पूर्व अध्यक्ष सन्दर्भ खनालले जानकारी दिए।
कार्यक्रमको संयोजन बिराज अर्यालले गरेका थिए। कार्यक्रममा रत्ननगर वडा नम्बर ५ का अध्यक्ष बालकृष्ण चापागाईं प्रमुख अतिथिको रूपमा सहभागी थिए।
साथै कार्यक्रममा रत्ननगर जेसीजका संस्थापक अध्यक्ष निजानन्द मल्ल, विद्यालयका प्रधानाध्यापक नविन चन्द्र भट्टराई, रत्ननगर जेसीजका वर्तमान अध्यक्ष बाबुराम परियार, रत्ननगर जुनियर जेसीजका पूर्व अध्यक्ष सन्दर्भ खनाल, जुनियर जेसीज एरिया बीका संयोजक कपिल थापा, पर्सा खैरहनी जुनियर जेसीजका अध्यक्षसहित अन्य सदस्यहरू, झुवानी विद्यालयका शिक्षकहरू तथा दुबै जेसीज संस्थाका बोर्ड सदस्यहरूको उल्लेखनीय उपस्थिति रहेको थियो।
