उडानमा भाडा महंगो भएको होइन, ‘क्लास’ अनुसार भाडादर तय गरिएको हो, नेपाल एअरलाइन्स

उडानमा भाडा महंगो भएको होइन, ‘क्लास’ अनुसार भाडादर तय गरिएको हो, नेपाल एअरलाइन्स

काठमाण्डौ – नियमित उडानको भाडादर महंगो भएको गुनासोप्रति नेपाल एअरलाइन्सलले ध्यानाकर्षण भएको जनाएको छ । कम्पनीले हवाईभाडा निर्धारण गर्दा क्लासमा वर्गीकरण गरेर गर्ने भएकाले भाडा बढी र कम हुने निगमले स्पष्ट पारेको छ । अहिले एअरलाइन्सको भाडादर पनि क्लास अनुसार नतोकिएको निगमको भनाइ छ । एअरलाइन्सको हङ्कङ् – काठमाण्डौ र नारिता – काठमाण्डौका लागि भाडा दर एउटै तोकिएको छ ।

हङ्कङ्- काठमाण्डौका लागि एचकेडी ४१ सय ९८ र नारिता – काठमाण्डौका ७६ हजार ३ सय जापानी एन तोकिएको छ । यस्तै मलेसिया – काठमाण्डौ र दुबई – काठमाण्डौका लागि भने फरक फरक भाडा निर्धारण गरिएको छ । मलेसिया – काठमाण्डौका लागि एअरलाइन्सको भाडादर चार प्रकारको छ ।

सबैभन्दा महंगो २००३ मलेसिया रिंगिट र सस्तोमा १४५८ रिंगिट रहेको छ । कुनै क्लासको १८२० रिंगिट त कुनैको लागि १६२८ रिंगिट तोकिएको एअरलाइन्सले जनाएको छ । यस्तै दुबई – काठमाण्डौका लागि पनि चार प्रकारकै भाडादर रहेको छ । सबैभन्दा महंगो २१२० दिनार र सस्तोमा १४४० दिनार रहेको छ । बाँकी कुनै क्लासको १८२० र १७२० यूएई दिनार तोकिएको छ ।

उडान संख्या, यात्रु तथा बर्गीकृत क्लासमा तोकिएको सीट संख्याको उपलब्धताको अनुपातमा उल्लेखित भाडादर भने परिवर्तन हुन सक्ने जनाइएको छ । एअरलाइन्समार्फत फर्कने यात्रु सबैको ७२ घण्टाभित्रको पीसीआर रिपोर्ट अनिवार्य गरिएको छ । उज्यालो अनलाईन बाट 

https://ujyaalonepalnews.com/archives/10714