काठमाडौं – शुक्रबार देशभर अविरल वर्षाले जनजीवन प्रभावित पारेपछि मौसम पूर्वानुमान महाशाखाले शनिवार नेपालमा पश्चिमी न्यून चापीय प्रणालीको प्रभाव बिस्तारै कम हुँदै गएको जानकारी दिएको छ ।
महाशाखाले शनिवार जारी गरेको मौसम पूर्वानुमानमा शनिवारबाट मौसममा क्रमिक सुधार हुँदै जाने जनाएको छ ।
शनिबार बिहान देशभर आंशिकदेखि सामान्य बदली भई १–२ स्थानमा हल्का हिमपात र वर्षा भइरहेको जारी सूचनामा उल्लेख गरिएको छ ।
शनिवार दिनभर आंशिक र सामान्य बदली रहने पूर्वानुमानमा उल्लेख गरिएको छ । पहाडी र तराईका केही भूभागका थोरै स्थानमा मात्रै हल्का वर्षा हुनेछ भने उच्च पहाडी र हिमाली भेगमा केही स्थानमा भने हल्का हिमपातको सम्भावना रहेको छ ।
शनिबार राति भने देशको पहाडी भूभागमा आंशिक र सामान्य बदली हुन सक्ने तथा तराईका केही भूभागमा आंशिक बदली भई पहाडी भूभागका थोरै स्थानमा हल्का वर्षा हुन सक्ने सम्भावना रहेको महाशाखाले जनाएको छ ।
एकिकृत कृषक बचत तथा ऋण सहकारीको दशौँ साधारणसभा तथा चौथो अधिवेसन सम्पन्न
