चितवन,१३ पुष- विभिन्न कार्यक्रम गर्दै सप्ताहव्यापी रुपमा स्वर्ण महोत्सव मनाईरहेको भीमोदय नमुना माध्यमिक विद्यालय पदमपुरले आज शुक्रबार विशेष समारोहबीच स्वर्ण महोत्सव कार्यक्रमको समापन गर्दैछ ।
स्वर्ण महोत्सवको समापन कार्यक्रममा पुर्व प्रधानमन्त्री तथा नेकपा एमालेका अध्यक्ष केपि शर्मा ओलीको प्रमुख आतिथ्य रहने स्वर्ण महोत्सव मूल समारोह समितिका संयोजक एवं विद्यालय व्यबस्थापन समितिका अध्यक्ष अमृत श्रेष्ठले जानकारी दिए ।
स्वर्ण महोत्सवको मूल समारोहमा प्रमुख अतिथि ओलीबाट नवनिर्मित स्वर्णद्वारको उद्घाटन, स्वर्ण स्तम्भको अनावरण, स्वर्ण स्मारिका बिमोचन, अक्षयकोष तथा चन्दादातालाई सम्मान गर्ने कार्यक्रम रहेको विद्यालयका प्रधानाध्यापक ईन्द्रराज पौडेलले जानाकारी दिए ।
यसअघि प्रधानमन्त्री पुष्पकमल दाहालको प्रमुख आतिथ्यमा हुने भनिएको कार्यक्रम प्रधानमन्त्रीको व्यस्तताको कारण समय व्यवस्थापन गर्न नसकिने भएपछी ओलीको प्रमुख आतिथ्यमा हुन लागेको हो ।
