लण्डन । बेलायत सरकारले सार्वजनिक गरेको नयाँ आप्रवासन योजनामा न्यून दक्षता भएका कामदारलाई भिसा नदिने बताएको छ । सो योजनामा बेलायतका रोजगारदाताहरूलाई सस्तो श्रममा आश्रित नहुन र आफ्ना कर्मचारीलाई टिकाइ राख्नका लागि आवश्यक लगानी गर्न र स्वचालित प्रविधि विकासित गर्न भनिएको छ ।
३१ डिसेम्बरमा बेलायत र युरोपेली युनियन (ईयू) बीच खुला आवतजावतको व्यवस्थाको अन्त्यपछि युरोप र अन्यत्रका नागरिकहरूलाई समान व्यवहार गरिने गृह मन्त्रालयले जनाएको छ । प्रतिपक्षी लेबर पार्टीले भने यस्तो असहज वातावरणले कामदारहरूलाई आकर्षण गर्न गाह्रो हुने बताएको छ । तर गृहमन्त्री प्रिती पटेलले भने नयाँ व्यवस्थाले बेलायतमा प्रतिभाशाली र उत्कृष्टहरू भने आउन सक्ने बताएकी छन् ।
ब्रिटेन आउने आप्रवासीको संख्या घटाउन चाहेको बेलायतसरकारले आप्रवान व्यवस्थामा अंक प्रणाली लागु गर्न चाहेको छ । जसअन्तर्गत बेलायत जान चाहने विदेशी नागरिकहरूले अंग्रेजी भाषा बोल्नुपर्ने र उनीहरूलाई स्वीकृतिप्राप्त रोजगारदाताले सिपयुक्त जागिरको प्रस्ताव गरेको हुनुपर्ने छ । त्यस्तो मापदण्ड भित्र पर्ने विदेशी कामदारले ५० अंक प्राप्त गर्नेछन् ।
बेलायतमा काम गर्न कम्तीमा ७० अंक प्राप्त गर्नुपर्ने छ । तर सरकारले कम सिप भएका कामदारहरू ल्याउने बाटो नखोल्ने बताउँदै व्यवसायहरूलाई उपलब्ध कामदारमा भर पर्न भनेको छ । अहिले ३२ लाख युरोपेली नागरिकहरूले बेलायतमा काम गरिरहन निवेदन दिएका छन् । सरकारले मौसमी कृषि कामदारहरूको संख्या बढाएर १० हजार र युवा लक्षित आवतजावत योजना अन्तर्गत प्रत्येक वर्ष २० हजार युवा बेलायत आउन दिने बताएको छ ।
नयाँ योजना अन्तर्गत कुनै पनि आप्रवासी कामदारहरूले स्थायी रूपमा यूकेमा बस्न पाउने अनुमति नपाएसम्म अन्य आयसँगसम्बन्धित सरकारी सहुलियत प्राप्त गर्न सक्ने छैनन् । त्यस्तो अनुमति प्राप्त गर्न कामदारहरूका हकमा सामान्यतया पाँच वर्ष लाग्छ । नयाँ योजना अन्तर्गत बेलायत आउनसक्ने सिप भएका कामदारहरूको संख्यामा सिमा भने तोकिने छैन ।
The post भिसासम्बन्धी बेलायत सरकारको नयाँ नीति, अदक्ष कामदारलाई भिसा नदिइने appeared first on Rajdhani Daily News.
पाँचखालका पुरातात्विक सम्पदा क्षेत्रको जियोफिजिकल सर्वे गरिदैँ
