एमसीसी परिमार्जन हुन्छ : अध्यक्ष दाहाल

चितवन १० फागुन । नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले एमसीसी परिमार्जन गरेर अनुमोदन गर्ने बताएका छन् ।

शनिबार चितवनमा पत्रकारहरुसँगको कुराकानीमा उनले अमेरिकी सरकारको सहायता कोष मिलेनियम च्यालेञ्ज कोअपरेसन (एमसीसी) परिमार्जन गरिने जानकारी दिए ।

शुक्रबार एमसीसी अध्ययन गर्न बनेको नेकपाको कार्यदलले प्रतिवेदन बुझाएको भन्दै उनले विस्तृत अध्ययन गरी परिमार्जनसहित अनुमोदन हुने विश्वास दाहालले व्यक्त गरे ।

प्रधानमन्त्री केपी शर्मा ओलीले यस विषयमा अमेरिकी सरकारसँग पनि कुरा गरिसकेको उनको भनाइ छ ।

अध्यक्ष दाहालले सरकारको कामका विषयमा आइतबारदेखि सुरु हुने सचिवालय बैठकले समीक्षा गर्ने बताए ।

वर्तमान सरकारले गरेका धेरै राम्रा कामहरुलाई पनि केही नराम्रा कामले छोपेको भन्दै उनले यस विषयमा समीक्षा गरेर अघि बढ्ने बताए ।

The post एमसीसी परिमार्जन हुन्छ : अध्यक्ष दाहाल appeared first on Koshi Online.