शिल्पा पनि सेरोगेसी आमा

मुम्बई । बलिउड अभिनेत्री शिल्पा सेट्ठीले दोस्रो सन्तान सेरोगेसी माध्यमबाट अपनाएकी छन् । उनको एक छोरी यसअघि नै भइसकेको छ । शिल्पाका श्रीमान् कुन्द्रा दोस्रो सन्तान पनि चाहन्थे । तर, शिल्पाले आफ्नो गर्भबाट दोस्रो सन्तान जन्माइनन् । उनी सेरोगेसीको माध्यमबाट दोस्रोपटक आमा बनेकी हुन् । कामको व्यस्ताका कारण उनले सेरोगेसी आमा बन्नु परेको बताइएको छ ।

भारतीय कानुनले कोख भाडामा लगाएर आफ्नो सन्तान जन्माउने प्रक्रिया (सेरोगेसी)लाई छुट दिएको छ । यसअघि शाहरूख खान र गौरी खान पनि सेरोगेसीको प्रक्रियाबाट पछिल्लो छोराका आमा बनेका थिए । बलिउडमा अरू पनि थुप्रै कलाकार सेरोगेसी प्रक्रियाबाट सन्तानका मातापिता बनेका छन् ।

यसरी छोराको आमा भइसकेकी अभिनेत्री शिल्पा सेट्ठीले यसपटक आफैंले गर्भधारण गर्न चाहिनन् । उनले सेरोगेसी माध्यमबाट आमा बन्ने चाहना व्यक्त गरिन् । सोही चाहनाअनुसार उनी यति बेला छोरीको आमा बनेकी हुन् । आफ्नो छोरीको जन्म एक साताअघि भएको भन्दै उनले इन्स्टाग्राममा छोरीको फोटो राखेर जानकारी बल्ल गराएकी छन् । छोरीको नाम समीशा सेट्ठी कुन्द्रा राखेकी छन् ।

The post शिल्पा पनि सेरोगेसी आमा appeared first on Rajdhani Daily News.