बुढासुब्बा गोल्डकप : मनाङ फाइनलमा

0
35

इटहरी । धरानमा जारी २२ औँ अन्तर्राष्ट्रिय आमन्त्रण गोल्डकपको फाइनलमा एनओसी मनाङ मस्र्याङ्दी क्लब पुगेको छ । बुधबार धरान रंगशालामा युकेएफसी भारत र मनाङ बीच भएको पहिलो सेमिफाइनल खेलमा मनाङले ० का विरुद्ध २ गोल गर्दै फाइनलका लागि आफ्नो सिट सुनिश्चित गरेको हो ।

खेलको १९ मिनेटमा मनाङका कमल श्रेष्ठको पासमा विमल रानाले गोल गर्दै टिमलाई अग्रता दिलाए । त्यस्तै, दोस्रो हाफको इन्जुरी समयमा रञ्जन बिष्टको पासमा दयानन्द सिंहले शानदार गोल गरे ।

खेलको समयअवधिभरी दुवै टिमबीच बराबरीजस्तो भएको खेल युकेएफसीले गोल फर्काउन नसक्दा घर फर्किएको हो । युकेएफसीले धेरैपटक गोल गर्ने अवसर पाएको भएपनि गोल गर्नबाट चुकेका थिए । खेलको १५ मिनेटमा प्रसान्त राईको उत्कृष्ट प्रहार मनाङका गोलकिप्पर अशोक बरालले गोल हुनबाट बचाए । त्यस्तै, ४४ मिनेटमा करण राईले गोल गर्ने राम्रो मौका गुमाए । ५३ औँ मिनेटमा गणेश लिम्बुको उत्कृष्ट प्रहार गोल किप्परले रोक्न सफल भए ।

मनाङले पनि पटक–पटक अन्य गोल गर्ने मौका पाएको भएपनि गोल गर्न चुकेको थियो । निकै रोचक प्रतिष्पर्धात्मक रुपमा अगाडि बढेको खेलमा मनाङका विमल रानाले खेलको ७ औँ मिनेटमा गोल गर्ने मौका गुमाए । त्यस्तै, शुशील लामाको कर्नरमा दयानन्द सिंहले राम्रो प्रहार गरेको भएपनि बल बाहिर गएको थियो ।

खेलअवधिभर दुवै टिमका गरी ६ जना खेलाडीहरुले पहेँलो कार्ड पाएका थिए । मनाङका रञ्जन बिष्ट, अन्जन बिष्ट, आदित्य चौधरी र विमल रानाले पहेँलो कार्ड पाए भने युकेएफसीका वाङ्देन तामाङ र वीरेन प्रधानले पहेँलो कार्ड पाएका थिए ।
खेलको उत्कृष्ट गोलकर्ता मनाङ मर्स्याङदी क्लबका दयानन्द सिँह घोषित भए । उनले नगद ५ हजार प्राप्त गरे । त्यसैगरी खेलको म्यान अफ दि म्याच युकेएफसी खर्साङका आशिष देवान घोषित भए । उनले नगद १५ हजार प्राप्त गरेका थिए ।

मनाङ मर्स्याङदीका प्रशिक्षक फुजा टोपेले मनाङका खेलाडीलेले टेक्निकल हिसाबमा खेल खेलेको प्रतिक्रिया दिए । उनले खेलाडीहरुले आराम गर्न नपाएको बताए । युकेएफसी खर्साङ भारतका युगेन लामाले नेपालको लिग खेल्ने टिमसँग खेल्नु परेपनि खेलाडीले राम्रो खेलेको बताए । ‘हामीले राइजिङ टिम लिएर आएका हौँ,’ उनले भने ।

विहीबारको खेल मछिन्द्र क्लब र विभागीय टिम नेपाल पुलिस क्लबबीच हुनेछ ।
खेलको बिजेता टिमले नगद दश लाख सहित ट्रफि हात पार्नेछ भने उपविजेता टिमले पाँच लाखमा चित्त बुझाउँनेछ ।

The post बुढासुब्बा गोल्डकप : मनाङ फाइनलमा appeared first on Rajdhani Daily News.

अन्ततः प्राणत्याग गरी काजलकलिले

Previous articleघुससहित कार्यालय सहयोगी पक्राउ
Next articleदिल्ली हिंसामा मारिनेको संख्या २२ पुग्यो