पीयू नर्सान दुई पार्टीको आग्रह

रंगेली, २१ फागुन । नेपाली काँग्रेस र समाजवादी पार्टीका महानगर कमिटीले पूर्वाञ्चल विश्व विद्यालयको केन्द्रीय कार्यालय विराटनगरमा नै राख्न माग गरेका छन् ।

विराटनगरमा बुधबार पत्रकार सम्मेलन गर्दै उनीहरूले विश्व विद्यालयको ऐनविपरीत केन्द्रीय कार्यालय सार्न लागेको बताएका हुन् ।

आफ्नै भौतिक संरचनामा रहेको विश्वविद्यालयको केन्द्रीय कार्यालय सारे आन्दोलनमा जाने समाजवादी पार्टी विराटनगर महानगर कमिटीका कार्यवाहक सभापति मोहमद नसरुलले बताए ।

दुवै सहरलाई समानान्तर रूपमा अगाडि बढाउनुको साटो विराटनगरलाई सुकाउने षडयन्त्रपूर्वक केन्द्रीय कार्यालय सार्न लागिएको नेपाली कांग्रेसका महानगर कार्यसमिति कार्यवाहक सभापति अरुण न्यौपानेले बताए ।

सरकारले आफ्नो निर्णय नसच्याए सबै सरोकारवाला पक्षसँगै छलफल गरी आन्दोलन अगाडि बढाउने नसरुलले बताए ।

The post पीयू नर्सान दुई पार्टीको आग्रह appeared first on Koshi Online.