काठमाडौं । चौथो संस्करणको एभरेस्ट प्रिमियर लिग (ईपीएल) को प्रमुख प्रायोजकमा नेपालका लागि टीभीएस मोटर कम्पनीको एक मात्र आधिकारिक वितरक जगदम्बा मोटसर्् रहने भएको छ ।
आयोजक ईपीएलले बुधबार एक प्रेस विज्ञप्ति जारी गर्दै यस वर्षको ईपीएल २०२० को प्रमुख प्रायोजक टीभीएस रहेको बताएको हो । यससँगै अब प्रतियोगिताको नाम ‘टीभीएस ईपीएल २०२०’ रहनेछ । नेपालका आधिकारिक वितरक जगदम्बा मोटर्स्को तर्फबाट साहिल अग्रवाल र ईपीएलका प्रमुख आमीर अख्तरले सम्झौतापत्रमा आज एक समारोहबीच हस्ताक्षर गरे । सम्झौतापछि अग्रवालले ईपीएलको एक हिस्सा हुन पाएकोमा गर्व भएको बताउँदै नेपालको क्रिकेट खेललाई अर्काे उचाइ प्रदान गर्न यो प्रतियागिता सफल भएको बताए ।
त्यस्तै आमीर अख्तरले ईपीएलको यो संस्करणलाई साथ दिएकोमा जगदम्बा मोटसर््लाई धन्यवाद दिँदै यसरी अन्तर्राष्ट्रियस्तरको ब्रान्डसँग ईपीएलआबद्ध हुनुले प्रतियोगिताको प्रतिष्ठा अझ वृद्धि भएको बताए । ईपीएल आगमी चैत्र १ देखि १५ गतेसम्म टियु क्रिकेट मैदानमा सुरु हुँदै छ । प्रतियोगितामा ६ सहरका ६ फ्रेन्चाइज टोलीले प्रतिस्पर्धा गर्नेछन् ।
The post टीभीएस ईपीएलको मुख्य प्रायोजक appeared first on Rajdhani Daily News.
