लागुऔषध सहित एक महिला पक्राउ

बारा । भारतीय नाकामा भारी मात्रामा लागुऔषध सहित एक जना महिला पक्राउ परेको छ । बाराको कलैया उपमहानगरपालिका वडा नंम्वर १०, मटिअर्वा नाकाबाट लागु औषध सहित एक जना महिला पक्राउ परेकी हुन् । पक्राउ पर्नेमा कलैया उपमहानगरपालिका वडा नंम्वर २७, सिसवामहेशपुर घर भई हाल वडा नंम्वर ४ मा डेरा गरि बस्ने वर्ष ५० वर्षीया सुदमिया राम रहेकी छन् ।

सशस्त्र प्रहरी निरिक्षक लक्ष्मण जोशीको कमाण्डमा खटेको पाँच जनाको मोवाईल टोलीले भारतबाट नेपाल तर्फ ल्याउँदै गरेको लागुऔषध चेकजाँच गर्ने क्रममा पकडिघाटबाट पक्राउ गरिएको हो ।
पक्राउ परेकोबाट प्रोमेथेक्साईन चार सय, नोफिन चार सय र डाईजेपम ईन्जेक्सन चारसय गरि जम्मा १२ सय पिस पक्राउ गरिएको सशस्त्र प्रहरी लक्ष्मण जोशीले बताए ।

विरगंज भन्सार कार्यालयका अनुसार मटिअर्वा नाकाबाट विगत ७ महिनामा लगभग १ करोडको मालसमान पक्राउ गरिएको जानकारी गराएका छन । भन्सारको नाकामा कडाई हुनासाथ विगत भन्दा राजस्वमा दश गुणाले बृद्धि भएको भन्सार कार्यालयका नागेन्द्र यादवले जनाएका छन ।

The post लागुऔषध सहित एक महिला पक्राउ appeared first on Rajdhani Daily News.