पाल्पा । तानसेन नगरपालिका वडा नंं ७ सिद्धार्थ राजमार्गको लामडाँडामा टिपरले मोटरसाइकललाई ठक्कर दिँदा श्रीमती ज्यान गएको छ भने श्रीमान् घाइते भएका छन् ।
तानसेनबाट बुटवल जाँदै गरेको लु ७ प ४३४ नम्वरको मोरसाइकललाई लु २ ख ३१७८ नम्बरको टिपरले पछाडीबाट ठक्कर दिएको थियो । मोटर साइकलमा सवार तानसेन नगरपालिका वडा नंं ७ की ५५ बर्षीय मधु श्रेष्ठको अस्पताल लैजाँदै गर्दा बाटोमा मृत्यु भएको र श्रीमान् ६२ बर्षीय हिमाल प्रसाद श्रेष्ठ घाइते भएको जिल्ला प्रहरी कार्यालय पाल्पाले जनाएको छ ।
घाइते श्रेष्ठको लुम्बिनी मेडिकल कलेज प्रभासमा उपचार भइरहेको छ । टिप्पर चालक र टिप्परलाई प्रहरीले नियन्त्रणमा लिएको छ ।
The post टिपरको ठक्करबाट श्रीमतीको मृत्यु, श्रीमान् घाइते appeared first on Rajdhani Daily News.
