ओखलढुंगाको मानेभन्ज्याङ गाउँपालिका ४ केतुकेमा जिप दुर्घटना हुँदा १२ जना घाइते भएका छन्।
घाइतेमध्ये दुईजनाको अवस्था गम्भीर रहेको प्रहरीले जनाएको छ।
वीरगन्जबाट रुम्जाटार आउँदै गरेको प्रदेश ३-०१२२ च ३१८३ नम्बरको जिप बिहीबार बिहान सडकबाट डेढसय मिटर तल खस्दा दुर्घटना भएको हो।
घाइतेको मिसन अस्पताल ओखलढुंगामा उपचार भइरहेको प्रहरी निरीक्षक मिलन बस्नेतले जानकारी दिए। तिब्र गतिका कारण जिप दुर्घटनामा परेको प्रहरीले जनाएको छ।
