भिसाको अवधि सकिएको भए पनि साउदीबाट फर्कंदा जरिवाना नलाग्ने

काठमाण्डौ – कोरोनाको कारण भिसाको म्याद समाप्त भएका नेपालीहरु साउदीबाट जरिवानाबिनै स्वदेश फर्कन सक्ने भएका छन् । कोरोना महामारीका कारण अर्को निर्णय नभएसम्मका लागि बहिर्गमन भिसा, पुन: प्रवेश भिसा र सबै प्रकारका भिजिट भिसा र पर्यटक भिसा लिएकाहरु कुनै जरिवानाबिना साउदीका जुनसुकै प्रस्थान बिन्दुबाट पनि स्वदेश फर्कन सक्ने साउदीमा रहेको नेपाली दूतावासले जनाएको छ ।

यसरी फर्कंदा भिसाको अवधि सकिएको भए पनि कुनै जरिवाना र शुल्क लाग्ने छैन । साउदीमा समस्यामा परेर प्राथमिकतामा परेका नेपालीलाई अहिले दूतावासले चार्टर्ड उडानमार्फत स्वदेश पठाइरहेको छ । भोलि शनिबार पनि साउदीमा समस्यामा परेका नेपालीको स्वदेश फिर्तीका लागि दुई उडान हुँदैछन् ।

यस्तो छ दुतावासको सूचना 

बहिर्गमन भीसा (Final Exit Visa) पुनः प्रवेश भीसा (Re-entry Visa) सबै प्रकारका भिजिट भीसा र पर्यटक भीसा लिएका व्यक्तिहरुका लागि नेपाली राजदूतावासको सूचना ।

साउदी सरकारले हालै जारी गरेको सूचना अनुसार कोरोना भाइरस संक्रमणको प्रकोपका कारणले अर्को निर्णय नभएसम्मका लागि बहिर्गमन भीसा (Final Exit Visa), पुनः प्रवेश भीसा (Re-entry Visa, सबै प्रकारका भिजिट भीसा र पर्यटक भीसा लिएका यहांका कुनै पनि प्रस्थान विन्दुबाट स्वदेश फर्कन चाहने व्यक्तिहरुको भीसाको म्याद समाप्त भएको भएता पनि कुनै शुल्क वा जरिवाना नतिरी जान सक्ने व्यवस्था गरेको व्यहोरा जानकारी गराइन्छ ।

नेपाली राजदूतावास रियाद । २०७७।३।१२

किन दिईन् युट्युबका भाइर’लम्यान डिल्लीराम खनालविरुद्ध करिश्मा मानन्धरले उजुरी