चितवन । उपरदाङगढीबाट शक्तिखोरतर्फ आउँदै गरेको ना ३४ प ४६१७ नम्बरको मोटरसाइकल आफैँ अनियन्त्रित भई दुर्घटना हुँदा चालकको मृत्यु भएको छ।
दुर्घटनामा मोटरसाइकल चालक जिल्ला चितवन, इच्छाकामना गाउँपालिका–७ निवासी अन्दाजी २४ वर्षीय साजन चेपाङ गम्भीर घाइते भएका थिए। उनलाई उपचारका लागि सरकारी अस्पताल भरतपुर ल्याइएकोमा शनिबार राति ९ बजेर २४ मिनेटको समयमा डाक्टरले मृत घोषणा गरेका हुन्।
घटना मङ्सिर २७ गते शनिबार साँझ करिब ७ बजेको समयमा कालिका नगरपालिका–९ सेरबास क्षेत्रमा भएको प्रहरीले जानकारी दिएको छ।
