आइलिगको पहिलो खेलमै छाइन् सावित्रा, गरिन् निर्णायक गोल

0
34

इण्डियन वुमन्स लिग आईलिगको पहिलो खेलमा नै नेपाली राष्ट्रिय टोलीकी स्ट्राइकर सावित्रा भण्डारीले गोल गरेकी छिन्।

उनको निर्णायक गोल मद्दतमा उनको टोली गोकुलम केरला एफसीले आइतबार सम्पन्न खेलमा श्रीभुमी एफसीलाई १-० ले पराजित गरेको छ। ब्याङग्लोर फुटबल स्टेडियममा सम्पन्न खेलमा सावित्राले ६७औं मिनेटमा निर्णायक गोल गरेकी थिइन्।

गतहप्ता भारत गएकी सावित्राले यसअघि छनोट चरणको अन्तिम खेलमा गत बुधबार समेत २ गोल गरेकी थिइन्। गत संस्करण सेथु एफसीबाट खेलेकी सावित्राले यो सिजन गोकुलम एफसीबाट मैदान उत्रिएकी हुन्।

आईलिगमा सावित्राले ७ नम्बरको जर्सीमा मैदान उत्रिने छिन्। गत संस्करण सेथु एफसीमा आबद्ध भएकी सावित्राले टोलीलाई लिग च्याम्पियन बनाउन ३ ह्याट्रिकसहित १५ गोल गरेकी थिइन्।

यसअघि नेपाली टोलीकै अर्की सदस्य अनिता बस्नेत सम्मिलित सेथु एफसीले विजयी सुरुवात गरिसकेको छ। शुक्रबार सोही मैदानमा भएको खेलमा सेथुले कोहलपुर सिटी एफसीलाई ५–० को फराकिलो अन्तरले हराएको हो।

रामकुमारीलाई प्रधानमन्त्री ओलीको एनिभर्सरी गिफ्ट, झाँक्री घरबाटै प,क्राउ

Previous articleट्रम्पका वकिल समूहको आरोप : डेमोक्रेटले २०१६ को चुनाव परिणामलाई उल्टाउन खोज्याे
Next articleटर्कीमा गयो शक्तिशाली भुकम्प, २९ को मृत्यु, १४ सय घाइते