नवगठित लायन्स क्लब अफ पिठुवाको कार्यसमितिले पायो पूर्णता
निराजन घिमिरे, भदौ ११, चितवन- चितवनको रत्ननगर पिठुवामा नवगठित लायन्स क्लब अफ पिठुवा चितवनको कार्यसमितिले पूर्णता पाएको छ । आज (शुक्रबार ) रत्ननगर १६ वडा कार्यालयको सभाहलमा क्लबका अध्यक्ष विष्णुप्रसाद अधिकारीको अध्यक्षता बसेको बैठकले समितिको विभिन्न पदहरुमा पदाधिकारीहरु चयन गरेको हो। यो संगै क्लबको आठ सदस्यिय कार्यसमितिले पूर्णता पाएको छ ।
दुई महिना अगाडी गठित लायन्स क्लब अफ पिठुवा चितवनको कार्यसमितिमा खाली रहेका पदहरु प्रथम उपाध्यक्षमा हेमराज थापा, द्वितीय उपाध्यक्षमा संगीता खड्का कार्की, तृतीय उपाध्यक्षमा संजीव थापालाई सर्वसहमतीले चयन गरिएको हो । त्यस्तै सहसचिवमा संजीव सिग्देल र सहकोषाध्यक्षमा इन्दिरा तिमिल्सिना चयन भएकाछन् ।
यसैगरी वैठकले श्यामराज थापाको संयोजगत्वमा पांच सदस्यिय सल्लाहकार समिति पनि गठन गरेको छ । समितिमा उत्तम बाबु कट्टेल, बद्रि अर्याल, नेत्र प्रसाद घिमिरे र हरिश्चन्द्र अधिकारी सदस्यको रुपमा चयन हुनुभएको छ ।
https://ujyaalonepalnews.com/archives/15635
