कुवेतमा ईलिगल रुपमा काम गर्दै आएका चार नेपालीको मृत्यु
दोहा- वैदेशिक रोजगारीको सिलसिला कुवेतमा कार्यरत चार नेपाली कामदारको मृत्यु भएको छ । मृत्यु हुनेमा तीन महिला र एक पुरुष छन् । तेह्रथुम आठराई घर भएकी २६ वर्षीया सञ्चिता बस्नेतको त्यहाँको र्वानिया अस्पतालमा मृत्यु भएको कुवेतस्थित नेपाली दूतावास स्रोतले जनाएको छ । यस्तै इलाम सन्दुकपुरका प्रदीप फागुको गत शनिवार हृदयाघातका कारण मृत्यु भएको बताइएको छ ।
मृतक फागु त्यहाँको मंगाफस्थित ब्लक-३ मा आफ्नै कोठामा मृत अवस्थामा फेला परेका थिए । मृतक मध्ये अन्य दुई जनाको परिचय खुल्न सकेको छैन । फिङ्गर प्रिन्ट रिपोर्ट आएपछि शवको पहिचान हुने दूतावासले जनाएको छ । पछिल्लो समय अधिकांश नेपाली महिला कामदार श्रम स्वीकृति बिनै गैर कानुनी बाटो हुँदै तेस्रो मुलुक कुवेत प्रवेश गर्ने गरेका छन् । खबर हब
साउदीमा बाहिर हिड्डुल गर्दा मास्क लगाउनु नपर्ने
नेपालीहरुको प्रमुख श्रम गन्तब्य रहेको साउदी अरबले कोरोना संक्रमण कम हुँदै गएपछि आइतबारदेखि पूर्ण खोप (भ्याक्सिन) लगाएकाले बाहिर मास्क लगाउनुनपर्ने, सामाजिक दूरी पनि पालना गर्नु नपर्ने भएको छ । विवाह हल, रेस्टुरेन्ट र यातायातका साधनहरूलाई शारीरिक दूरी नराखी पूर्ण खोप लगाएका व्यक्तिहरूको लागि पूर्ण क्षमतामा सञ्चालन गर्न अनुमति दिइने साउदीको आन्तरिक मन्त्रालयलाई उद्रित गर्दै साउदी प्रेस एजेन्सीले जनाएको छ ।
तर भित्र ठाउँहरुमा रहदा मास्क तथा सामाजिक दूरी लगायतका सावधानी अपनाउनै पर्ने र कानुन उलंघन गरे जरिवाना हुने नियम यथावत रहेको जनाइएको छ । साउदी सरकारको यो निर्णयसँगै त्यहाँ कार्यरत नेपाली श्रमिकहरुलाई पनि राहत मिलेको छ । अब बिना मास्क बाहिर हिड्डुल गर्न पाउने भएका छन् । साउदीले कोरोना भाइरसको फैलावट रोक्न गत बर्ष २७ फेब्रुअरी २०२० देखि तीर्थयात्रीहरुमा अस्थायी प्रतिबन्ध लगाएर गरेको थियो ।
तर,पछि त्यति गर्दा पनि संक्रमण कम नभएपछि कर्फ्यू लगाएर सार्वजनिक जीवनका सबै गतिविधिहरु बन्द गरी राष्ट्रिय तथा अन्तर्राष्ट्रिय उडान सेवाहरु बन्द गरेको थियो । साउदी अरबमा विभिन्न क्षेत्रमा गरि करिव चार लाखको हाराहारीमा नेपाली कामदार कार्यरत रहेको अनुमान गरिएको छ । साउदीस्थित नेपाली दूतावाससँग आधिकारित तथ्यांङक नभए पनि कोरोना संक्रमणका कारण त्यहाँ कार्यरत १०८ भन्दाबढी नेपाली कामदारले ज्यान गुमाएको बताईएको छ ।
https://ujyaalonepalnews.com/archives/16275
