काठमाडौं । चर्चित अभिनेता पल शाहविरूद्ध जबर्जस्तीकरणीको जाहेरी दायर भएको छ ।
१७ वर्षीया एक बालगायिकाले बुधबार जिल्ला प्रहरी कार्यालय तनहुँमा गएर शाहविरूद्ध जाहेरी दिएकी हुन्।
गण्डकी प्रदेश प्रहरीले शाहविरूद्ध दर्ता भएको जाहेरी दर्ता भई कानुनी प्रक्रिया अघि बढिसकेको बताइएको छ । तर, यसबारे औपचारिक जानकारी भने दिएको छैन।
केही दिनअघि ती १७ वर्षीयाले मिडियामा आएर नायक शाहले आफूमाथि दुर्व्यवहार गरेको आरोप लगाएकी थिइन् । बुधबार भने जिल्ला प्रहरी कार्यालय कास्की पुगेर नायक शाहविरुद्ध मुद्धा दायर गरेकी छन् ।
मुलुकी अपराध संहिताको दफा २१९ अनुसार १८ वर्षभन्दा कम उमेरकी बालिकासँग सहमतिमै यौन सम्बन्ध राखे पनि त्यसलाई जबरजस्ती करणी भनिन्छ । साथै, १६ वर्षदेखि १८ वर्ष उमेरकी बालिकासँग यौन सम्बन्ध राखेमा १० देखि १२ वर्षसम्म जेल सजाय हुन सक्ने मुलुकी अपराध संहितामा उल्लेख छ ।
https://ujyaalonepalnews.com/archives/17631
