उज्यालो नेपाल- रत्ननगरको पिठुवामा आयोजना गरिएको एकदिने स्वास्थ्य शिविरमा पिठुवा लायन्स क्लबले नि:शुल्क यातायातको सुविधा प्रदान गरेको छ । रनपा-१६ वडा कार्यालयले आफ्नै कार्यालय परिसरमा ७५ वर्ष माथिका ज्येष्ठ नागरिकको लागी संचालन गरेको स्वास्थ्य शिविरमा आउने सेवाग्राहीहरुलाई क्लबले यातायातको प्रबन्ध मिलाएको हो ।
ज्येष्ठ नागरिकहरुलाई सेवा प्रदान गर्न पाउनु आफुहरुको निम्ति गौरवको कुरा भएको क्लबका अध्यक्ष लायन विष्णुप्रसाद अधिकारीले बताए । सामाजिक काममा आफ्नो क्लब हरदम तयार रहने बताउंदै अधिकारीले १०० जना ज्येष्ठ नागरिकहरुलाई घर बाट ल्याएर चेकजाँच गरि पु:न घर-घर पुर्याएको जानकारी दिए ।
https://www.ujyaalonepalnews.com/archives/17733
