झलनाथ खनालको संयोजकत्वमा एमसिसीबारे सुझाव समिति गठन

काठमाडौं, १९ माघ । नेपाल कम्युनिष्ट पार्टी(नेकपा) केन्द्रीय कमिटी बैठकले अमेरिकी सहयोग मिलेनियम च्यालेञ्ज कर्पाेरेशन(एमसिसी)बारे सुझाव दिन नेकपा पार्टी वरिष्ठ नेता झलनाथ खनालको संयोजकत्वमा तीन सदस्यीय समिति गठन गरेको छ ।

यही माघ १५ गतेदेखि सुरु भएको उक्त बैठकले आइतबार समिति गठन गरेको हो ।

समितिमा पार्टी नेता भीमबहादुर रावल र परराष्ट्रमन्त्री प्रदीपकुमार ज्ञवाली रहेका छन् ।

एमसिसीअन्तर्गत अमेरिकाले नेपाललाई विद्युत् र सडकमा खर्च गर्न ५५ अर्ब अमेरिकी डलर दिने सम्झौतामा उल्लेख छ ।

सम्झौतामा एमसिसीलाई सङ्घीय संसद्ले अनुमोदन गर्नुपर्ने जनाइएको छ । रासस

The post झलनाथ खनालको संयोजकत्वमा एमसिसीबारे सुझाव समिति गठन appeared first on Koshi Online.