फाटफुट वर्षा र हिमपातको सम्भावना

0
25

आज (मंगलबार) राति देशका पहाडी भेगका केही स्थानमा वर्षा तथा उच्च पहाडी र हिमाली भेगमा हिमपातको सम्भावना देखिएको छ।

मौसम पूर्वानुमान महाशाखाकी मौसमविद् प्रतिभा मानन्धरका अनुसार आज राति पश्चिम, मध्य र पूर्व तीनै क्षेत्रका पहाडी भेगका एक/दुई स्थानमा हल्का वर्षाको सम्भावना देखिएको हो।

यस्तै तीनै क्षेत्रका उच्च पहाडी तथा हिमाली भेगका एक/दुई स्थानमा हिमपातको पनि सम्भावना छ। तर यो सम्भावना पनि निकै कम रहेको उनले बताइन्।

‘यो कुनै नयाँ प्रणाली भित्रिएको होइन,’ मंगलबार बिहान नेपालखबरसँग कुरा गर्दै मौसमविद् मानन्धरले भनिन्, ‘यो पहिलेकै पश्चिमी निम्न चापीय प्रणालीको थोरै प्रभाव हो।’

तराईमा भने अहिले वर्षाको सम्भावना छैन। यस्तै काठमाडौंमा उपत्यकामा पनि आजलाई वर्षाको सम्भावना छैन। ‘तर आंशिक बदली (कहिले घाम कहिले बादल) भने हुने देखिन्छ,’ उनले भनिन्।

अहिले (मंगलबार बिहान सवा ७ बजे) काठमाडौं उपत्यकाको तापक्रम ४ डिग्री सेल्सियस छ।

माैसम पूर्वानुमान महाशाखाका अनुसार दिउँसाेचाहिँ देशका पहाडी भेगमा आंशिक बदली रहनेछ भने देशका बाँकी स्थानमा माैसम सामान्यतया सफा रहनेछ।

माैसमविद् मानन्धरका अनुसार अहिले तराईमा खासै हुस्सु कुहिरो पनि लागेको छैन।

हिउँद यामको अवधि छोटिँदै जाँदा मुलुकभर बिस्तारै चिसो घट्दै गएको र तापक्रम बढ्दै गएको उनले बताइन्।

औपचारिक रूपमा यो फेब्रुअरीभरि हिउँद अर्थात् जाडो यामको अवधि मानिन्छ। यसपछि प्रि-मनसुन सुरु हुने उनले जानकारी दिइन्।

चैत मसान्तभित्र मेलम्चीको पानी काठमाडौँ लैजाने गरी काम गर्न मन्त्री चौधरीको निर्देशन

Previous articleनेप्से २.४९ ले बढ्दा कारोवार डेढ अर्बमाथि
Next articleघुसखोरी सिडियो विरुद्ध एकैदिन पाँच मुद्धा दायर, के–के छन् आरोप