चितवन–चितवनमा ट्रकले स्कुटरलाई ठक्कर दिँदा एक जनाको मृ’त्यु भएको छ । घटनाको विरोधमा स्थानीयले पूर्वपश्चिम राजमार्गअन्तर्गत वीरेन्द्रनगर चोकमा प्रदर्शन गर्दा सडक अवरुद्ध भएको छ ।
जिल्ला प्रहरी कार्यालय चितवनको अनुसार बुधबार दिउँसो राप्ती नगरपालिका–७ वीरेन्द्रनगर चोकमा भरतपुरबाट हेटौंडा तर्फ जाँदै गरेको ना६ख ५९८६ नम्बरको ट्रकले सोही दिशा तर्फ जाँदै गरेको बागमती प्रदेश ०३–००३ प १२०९ नम्बरको स्कुटरलाई ठक्कर दिँदा राप्ती नगरपालिका–६ हर्दीकी २४ वर्षीय रमिता तामाङको मृ’त्यु भएको हो ।
ट्रकको ठक्करबाट गम्भीर घाइ’ते भएकी उनको भरतपुरको सरकारी अस्पतालमा उपचारको क्रममा निधन भएको प्रहरीले जनाएको छ । त्यसैगरी घटनामा स्कुटर चालक सोही ठाउँका २८ वर्षीय सुशिल कुँवरको हात र खुट्टामा चोट लागेको छ । मृ’तक रमिता कुँवरको श्रीमती रहेको प्रहरीले जनाएको छ ।
उक्त स्थानमा इलाका प्रहरी कार्यालय भण्डारा र इलाका प्रहरी कार्यालय टाँडीबाट प्रहरी टोली खटी गई ट्रक र ट्रक चालकलाई नियन्त्रणमा लिएका छन् ।
https://ujyaalonepalnews.com/archives/23626
