१७ वर्षकी किशोरीलाई जब’र्जस्ती गरेको आरोप लागेका नेपाली क्रिकेटर सन्दीप लामिछानेविरुद्ध प्रहरीले सबै जिल्लामा पक्राउ आदेश पठाएको छ । नेपाली क्रिकेट टोलीको कप्तानबाट निलम्बित भएका लामिछानेले सामाजिक सन्जाल ट्विटरमा आफूमाथि लागेको आरोप मिथ्या भएको भन्दै आफूले कानुनी उपचारबाट न्याय पाउने उल्लेख गरेका थिए । काठमाडौं जिल्ला अदालतबाट पक्राउ पुर्जी जारी भएपछि प्रहरीले लामिछानेलाई फरार सूचीमा राखेको छ ।
क्यारेबियन लिग खेल्न वेस्ट इन्डिज पुगेका लामिछानेले त्यहाँको प्रतियोगिता सक्नुअगावै आफू केही दिनमा नै नेपाल फर्किन लागेको सामाजिक सन्जालमा लेखेका थिए । प्रहरीले जारी गरेको पक्राउ आदेशमा ुस्याङ्जा आरुचौर गाउँपालिका स्थायी वतन भई हाल काठमाडौँ बुढानीलकण्ठ नगरपालिका बस्ने अन्दाजी ५ फुट सात इन्च उचाइ, गहुँगोरो पातलो वर्णको सन्दीप लामिछानेविरुद्ध जव’र्जस्ती क’रणीको जाहेरी दर्ता भएर अदालतबाट पक्राउ आदेश जारी भएकाले जहाँ भेट्यो नियन्त्रणमा लिएर पठाउनु भनिएको छ ।
आफू नेपाल फर्किने बताए पनि सन्दीपले कहिले फर्किने भन्ने विषयमा सामाजिक सन्जालमा केही लेखेका छैनन् । उनले आफू केही दिनमा फर्किएर आरोपको सामना गर्ने बताएका छन् । यता, प्रहरीले सबै जिल्लामा पक्राउ आदेश पठाएको हो । प्रहरीले यो विषयमा अहिले सुक्ष्म रुपमा अनुसन्धान गरिरहेको जनाएको छ । यसअघि प्रहरीले पीडित किशोरीले दिएको बयानको आधारमा भक्तपुरको रिसोर्टको सिसिटिभी फुटेज र सिनामंगलस्थित एक होटलको सिसिटिभी फुटेजबारे अध्ययन सकिसकेको छ ।
सिनामंगलको होटेलमा लामिछाने र पीडित युवतीले सात घन्टा समय बिताएको पनि अनुसन्धानमा खुलेको छ । प्रहरीले यसबारे थप अनुसन्धान गरिरहेकाले आरोपित लामिछाने आएपछि उनीसँग बयान लिने र घटनाको निष्कर्षमा पुग्ने प्रहरी तयारी छ ।
https://www.ujyaalonepalnews.com/archives/24302
