यो समाचार अडियोमा सुन्नुहोस्
नवलपरासी (बर्दघाट सुस्तापश्चिम)स्थित गण्डक नहरमा आफ्ना दुई नाबालक छोरासहित हाम फालेकी महिलाको शव फेला परेको छ ।
जिल्ला प्रहरी कार्यालयका सूचना अधिकारी प्रहरी नायब उपरीक्षक भोजराज पाण्डेयका अनुसार नहरमा हाम फालेको स्थानभन्दा एक सय मिटर तल दुवै छोरालाई सलले बाँधेको अवस्थामा तीनैजना मृत भेटिएको हो ।
आज दिउँसो करिब २ बजेको समयमा महलबारी निवासी तीर्थराम थारुकी श्रीमती २९ वर्षीया प्रतिमा थारुले आफ्ना दुई छोरा नौ वर्षीय क्रिश र सात वर्षीय सुमितसहित नहरमा हाम फालेर बेपत्ता भएकी थिइन् ।
हाम फालेर बेपत्ता भएकी महिलाका श्रीमान् हाल रोजगारीका सिलसिलामा भारतमा रहेका छन् । घरमा सासूसँगै बस्दै आएकी प्रतिमाले नहरमा हामफाल्नुको कारण भने खुल्न नसकेको प्रहरीले जनाएको छ । घटनाको अनुसन्धान भइरहेको प्रहरी नायब उपरीक्षक पाण्डेयले बताए ।
https://ujyaalonepalnews.com/archives/26495
