हेटौंडा । मकवानपुरको बकैया गाउँपालिकामा जंगली हात्तीको आक्रमणबाट एकजना पुरुषको ज्यान गएको छ ।
बकैया–५ पावस निवासी ५० वर्षका सन्तलाल माझीको हात्तीको आक्रमणमा परि ज्यान गएको हो । बाख्रा ब्याएको र पाठापाठीलाई दुध खुवाउन गोठ गएको बेला हात्तीले उनलाई आक्रण गरि बेहोस बनाईदिएको थियो ।
बेहोस अवस्थामा रहेका माझीलाई उपचारको लागी हेटौँडा ल्याईएकोमा हेटौँडा अस्पतालमा उनलाई डाक्टरले मृत घोषणा गरेको जिल्ला प्रहरी कार्यालय मकवानपुरले जनाएको छ ।
गएको चार दिनबाट मकवानपुरमा जंगली हात्तीले वितण्ड मच्याईरहेको छ । तीन दिनको अवधिमा हात्तीको आक्रमणमा परि मकवानपुरमा एक महिला र पुरुष गरि दुई जनाले ज्यान गुमाएका छन भने एकजना घाईते भएका छन् ।
https://ujyaalonepalnews.com/archives/26533
