एक नम्बर प्रदेशसभाको बैठक सुचारु, कांग्रेसले भन्यो-स्वतन्त्र निकायले धर्म छाडेपछि संसद अवरुद्ध गर्न बाध्य

0
16

विराटनगर , २८ माघ । अख्तियार प्रकरणलाई लिएर मुख्य प्रतिपक्षी दल नेपाली कांग्रेसले अवरुद्ध गर्दै आएको एक नम्बर प्रदेश सभाको बैठक मंगलबार सुरु भएको छ ।

मुख्य प्रतिपक्षी दल कांग्रेसले प्रस्टिकरण दिदै अवरोध छाडेपछि मंगलबारदेखी एक नम्बर प्रदेश सभाको बैठक सुरु भएको हो ।

अख्तियार प्रकरणलाई लिएर मुख्य प्रतिपक्षी दल कांग्रेसले एक नम्बर प्रदेश सभाको २६ र २७ माघको बैठकमा अवरोध पुर्याएको थियो । कांग्रेसको अवरोधले गर्दा दुई दिन संसदको बैठक सञ्चालन हुन पाएन ।


प्रदेश सांसद शेखरचन्द्र थापा

मंगलबारको बैठकमा बोल्दै कांग्रेस सांसद शेखरचन्द्र थापाले अख्तियारले स्वतन्त्र र तथस्थ भुमिका नभिएकोले पार्टीको निर्णय अनुसार संसद अवरुद्ध गर्न बाध्य भएको बताए ।

उनले राज्यको सबैधानिक स्वन्त्र निकायले कसैलाई काखा र कसैलाई पाखा अनि कसैलाई ठोक्ने , कसैलाई बोक्ने र जोख्ने काम गर्न नहुने बताए । उनले संसद नागरिकहरुको आवाज बोल्ने सर्बोच्च थलो भएकोले कांग्रेसले सधैभरि बन्धक नवाउने भन्दै बैठकको अवरोध हटाएको जानकारी गराए ।

उपसभामुख , सरस्वती पोखरेल

मंगलबारको बैठकको सुरुमा प्रतिपक्षी कांग्रेस सांसदहरुले उठेर अवरोध गरेपछि उपसभामुख सरस्वती पोखरेलले संसदिय दलको तर्फबाट सांसद शेखरचन्द्र थापालाई बोल्न समय दिएकी थिइन ।

प्रदेश वतावरण संरक्षण बिधेयक पेश

उद्योग , बन , बातावरण तथा पर्यटन मन्त्री जगदीश कुसैत

एक नम्बर प्रदेशको सभाको अवरोध हटेपछि मंगलबारको बैठकमा संसदमा एक नम्बर प्रदेश वतावरण बिधेयक पेश भएको छ । प्रदेश सरकारका उद्योग, बन वातावरण तथा पर्यटन मन्त्री जगदीश कुसैतले प्रदेश वातावरण संरक्षण सम्बन्धमा बनेको बिधेक बैठकमा पेश गरे । उक्त्त बिधेयकको सैद्धान्तिक छलफल मंगलबारबाटै संसदमा सुरु भएको छ ।

The post एक नम्बर प्रदेशसभाको बैठक सुचारु, कांग्रेसले भन्यो-स्वतन्त्र निकायले धर्म छाडेपछि संसद अवरुद्ध गर्न बाध्य appeared first on Koshi Online.

मालवाहक रेल चलाउन उद्योगी व्यवसायीको माग

Previous articleगृहमन्त्रीका भाइ नरेशलाई थुन्‍न उच्च अदालतको आदेश
Next articleवक्तृत्वकलामा प्रेम प्रथम